غزہ پر جارحیت جاری رکھنا صیہونی فوجیوں کی لاشوں کی واپسی کا باعث بنے گا: القسام
42
M.U.H
08/07/2025
حماس کے عسکری ونگ نے منگل کی صبح خبردار کیا کہ غزہ میں غاصبوں کے لیے کوئی جگہ نہیں ہے اور اگر صیہونیوں کا حملہ جاری رہا تو اس کے سنگین نتائج ہوں گے۔ فارس نیوز کے مطابق، حماس کے عسکری ونگ نے کہا کہ غزہ میں قابضین کے لیے کوئی جگہ نہیں۔ صیہونیوں کی جارحیت جاری رہی تو اس کا مطلب صیہونی فوجیوں کی لاشوں کی واپسی جاری رہنا ہوگا۔ ابو عبیدہ، القسام بریگیڈز کے ترجمان نے بیت حانون میں مزاحمتی کارروائی کے بارے میں کہا کہ ہم تمہارے فوجی وقار کو خاک میں ملا دیں گے۔
جب تک جارحیت جاری ہے، جنازے اور دشمن فوجیوں کی لاشوں کی واپسی معمول بن جائے گی۔ فلسطینی ذرائع نے اس کارروائی کی مزید تفصیلات بھی جاری کیں کہ ایک فوجی گاڑی جو دھماکہ خیز مواد لے جا رہی تھی اور غزہ میں عمارتیں تباہ کرنے کے لیے تیار کی جا رہی تھی، نشانہ بنائی گئی۔ وہ گاڑی صیہونیوں کے لیے ایک ہلاکت خیز جہنم بن گئی اور وہاں موجود پورے صیہونی انجینئرنگ یونٹ کو نگل گئی۔
