شہید سلیمانی اور مزاحمت کا مشن جاری رہے گا، شہادت کے لیے تیار ہیں: صدر مسعود پزشکیان
24
M.U.H
02/01/2026
تہران: صدر مملکت نے شہید جنرل قاسم سلیمانی مظلوموں کے دفاع کا مثالی نمونہ قرار دیتے ہوئے کہا ہے کہ ہم شہید سلیمانی اور مزاحمتی قائدین کے مشن پر پوری قوت کے ساتھ گامزن رہیں گے۔
جمعرات شام کو تہران میں مزاحمتی قائدین کی شہادت کی برسی کے اجتماع سے خطاب کرتے ہوئے صدر مسعود پزشکیان نے کہا کہ جنرل قاسم سلیمانی مظلوموں اور حق و انصاف کے حامی تھے اور انہوں نے بے لوث خدمات انجام دیں یہی وجہ ہے کہ نہ صرف ایران بلکہ دنیا بھر کے حریت پسند کے درمیان انہیں ایک رول ماڈل تصور کیا جاتا ہے۔
انہوں نے شہید قاسم سلیمان کی یاد میں منعقدہ اجتماعات میں عوام کی بھرپور شرکت کا حوالہ دیتے ہوئے کہا کہ ہم نے شہید کے مشن کو پوری قوت کے ساتھ جاری رکھنے کا عہد کر رکھا ہے۔
صدر نے کہا کہ ہم مزاحمت کے پرچم کو گرنے نہیں دیں گے اور پوری قوت کے ساتھ مظلوں کا دفاع کرتے رہیں گے۔
انہوں نے شہید قاسم سلیمانی کو اخلاق، دیانت، جرأت، انصاف کے حصول اور مظلوموں کے دفاع کا مثالی نمونہ قرار دیتے ہوئے کہا کہ شہدائے مزاحمت نے ہمیں متحدہ اور ایک پلیٹ فارم پر جمع کردیا ہے جو مزاحمت کا پیلٹ فارم ہے۔
صدر نے مزید کہا کہ آج امریکہ اور اسرائیلی حکومت تہذیب، جمہوریت اور آزادی کے نام پر ریاستی دہشت گردی کا ارتکاب کر رہی ہے۔انہوں نے کہا کہ ان مجرموں کے ہاتھوں شہید ہونے والوں میں شہید جنرل سلیمانی، شہید ابو مہدی المہندس، ہمارے سائنسدان، یونیورسٹی کے پروفیسر، فوجی کمانڈر اور قابل قدر ایرانی شہری شامل ہیں۔
صدر نے کہا کہ ہم شہادت سے نہیں ڈرتے اور اپنی قوم، اپنے انقلاب اور اپنے ملک کے لیے ہرقسم کے قربانیاں دینے کے لیے تیار ہیں اور آخری دم تک ثابت قدم رہیں گے۔
