راہل گاندھی سلطان پور کی عدالت میں پیش ہوئے، خود کو بے قصور قرار دیا
119
M.U.H
26/07/2024
سلطان پور:لوک سبھا میں قائد حزب اختلاف راہل گاندھی مرکزی وزیر داخلہ امت شاہ پر توہین آمیز ریمارکس کے معاملے میں جمعہ کو سلطان پور ضلع کی خصوصی ایم پی-ایم ایل اے عدالت میں پیش ہوئے۔ راہل نے جج کو بتایا کہ وہ بے قصور ہیں اور انہیں ایک سیاسی سازش میں پھنسایا گیا ہے۔راہل گاندھی تقریباً 16 منٹ تک جج شبھم ورما کی عدالت میں رہے اور اپنا بیان ریکارڈ کرایا۔ مدعی کے وکیل سے شواہد پیش کرنے کو کہتے ہوئے جج ورما نے کیس کی اگلی سماعت کی تاریخ 12 اگست مقرر کی۔ الزام ہے کہ راہل گاندھی نے بنگلورو، کرناٹک میں ایک انتخابی ریلی میں امت شاہ پر نازیبہ تبصرہ کیا تھا۔
سلطان پور بی جے پی لیڈر وجے مشرا نے اس سلسلے میں عدالت میں شکایت درج کرائی تھی۔ راہل گاندھی کے وکیل کاشی پرساد شکلا نے کہا کہ راہل گاندھی کا معاملہ اسپیشل ایم پی-ایم ایل اے کورٹ نمبر 15 میں ثبوت بیان کے لیے مقرر تھا۔ اپنے وعدے کے مطابق راہل پارلیمنٹ کی مصروفیت کے بعد بھی عدالت پہنچے اور اپنا بیان ریکارڈ کرایا۔ مذکورہ کیس میں عدالت نے استغاثہ کے شواہد کے لیے 12 اگست کی تاریخ مقرر کی ہے۔
شکلا نے بتایا کہ ان کے مو¿کل راہل گاندھی نے ان پر لگائے گئے الزامات کو بے بنیاد قرار دیا اور کہا کہ یہ سب سیاسی بددیانتی سے ان کی اور ان کی پارٹی کی شبیہ کو خراب کرنے کے لیے کیا گیا ہے۔ اب استغاثہ ثبوت پیش کرے گا۔ باقی نتائج بعد میں معلوم ہوں گے ایڈوکیٹ سنتوش پانڈے نے میڈیا والوں کو بتایا کہ راہل گاندھی ذاتی طور پر پیش ہوئے۔ وہ عدالت میں پیش ہوئے اور اپنا بیان ریکارڈ کرایا۔ انہوں نے خود کو بے قصور قرار دیتے ہوئے کہا کہ ان کے خلاف جو بھی مقدمہ درج کیا گیا ہے وہ سیاسی بدنیتی کا نتیجہ ہے۔
قابل ذکر ہے کہ راہل گاندھی نے 20 فروری 2024 کو اپنی نیائے یاترا کے دوران سلطان پور کورٹ میں خودسپردگی کی تھی۔ عدالت نے انہیں 25000 روپے کے دو مچلکوں پر ضمانت دی تھی۔ گزشتہ 26 جون کو عدالت نے راہل کو ذاتی طور پر 26 جولائی کو طلب کیا تھا۔