شیوراج سنگھ چوہان نے یو پی اے حکومت پر لگائےسنگین الزامات
113
M.U.H
27/07/2024
نئی دہلی:مرکزی وزیر زراعت شیوراج سنگھ چوہان نے گزشتہ یو پی اے حکومت پر بڑا الزام لگایا ہے۔ انہوں نے کہا ہے کہ یو پی اے حکومت نے سوامی ناتھن کی طرف سے ایم ایس پی (کم سے کم سپورٹ پرائس) کی تجویز کو ماننے سے انکار کر دیا تھا۔ اس وقت پارلیمنٹ کا اجلاس جاری ہے۔ اس دوران سماج وادی پارٹی کے راجیہ سبھا ممبر رام جی لال سمن نے ایم ایس پی کے بارے میں سوال پوچھا تھا۔ جس کا جواب دیتے ہوئے شیوراج سنگھ چوہان نے تمام ممبران پارلیمنٹ سے کہا کہ حکومت ابھی بھی ایم ایس پی سے متعلق کمیٹی کی رپورٹ کا انتظار کر رہی ہے۔ ان کا مزید کہنا تھا کہ ہم جلد کوئی فیصلہ کریں گے لیکن پہلے حکومت اس معاملے پر فیصلہ کرے۔ ایوان میں تقریر کرتے ہوئے شیوراج نے کہا کہ اپوزیشن صرف کسانوں کے نام پر سیاست کر رہی ہے۔ سوامی ناتھن کمیٹی نے قیمت پر 50فیصد منافع پر امدادی قیمت کی سفارش کی، لیکن یو پی اے حکومت نے اسے مسترد کر دیا۔ انہوں نے کہا کہ کمیٹی مخصوص مقاصد کے ساتھ تشکیل دی گئی تھی۔ اس کا مقصد کسانوں کے لیے ایم ایس پی کا فیصلہ کرنا ہے۔ طویل بحث کے بعد اتفاق ہوا۔ سال 2020-21 میں زرعی قوانین کو لے کر کسانوں کی طرف سے ایک ایجی ٹیشن ہوا تھا جس میں کسانوں کی ایم ایس پی طے کرنے کا مطالبہ بھی کیا گیا تھا۔ طویل تحریک کے بعد حکومت نے ایم ایس پی کے حوالے سے ایک کمیٹی بنائی تھی۔