اسرائيل کا شام میں ڈاکا، 2 ہزار 500 اہم دستاویزات اور تصاویر تل ابیب منتقل
12
M.U.H
19/05/2025
اسرائیلی وزیر اعظم نیتن یاہو کے دفتر نے شام میں صہیونی خفیہ ایجنسی کی محرمانہ کاروائی کی تصدیق کرتے ہوئے کہا ہے کہ یہ کارروائی ایک اسٹریٹجک شراکت دار انٹیلیجنس ایجنسی کے تعاون سے انجام دی گئی تاہم مزید تفصیلات فراہم نہیں کی گئیں۔
عبرانی ذرائع ابلاغ کے مطابق یہ دستاویزات کئی دہائیوں تک شامی سیکیورٹی اداروں کے پاس محفوظ تھیں۔ ان میں ایلی کوہن کی وہ وصیت بھی شامل ہے جو اُس نے گرفتاری سے چند گھنٹے پہلے تحریر کی تھی۔
واضح رہے کہ ایلی کوہن 1962ء میں جعلی شناخت اور تاجر کے روپ میں پہلی بار دمشق پہنچا تھا۔ اس کا مقصد شامی سیاسی و عسکری حلقوں میں رسوخ حاصل کرنا تھا۔ اسے 1965ء میں دمشق کے المرجہ چوک میں سرعام پھانسی دی گئی تھی۔
