غزہ جنگ بندی معاہدے کے تحت قیدیوں کی رہائی کے تیسرے مرحلے میں 8 اسرائیلی قیدیوں کے بدلے 110 فلسطینی قیدی رہا کر دیئے گئے۔ غزہ سے رہا قیدیوں میں خاتون اسرائیلی فوجی سمیت 3 اسرائیلی اور 5 تھائی شہری شامل ہیں، جبکہ فلسطینی قیدیوں میں 30 بچے بھی شامل ہیں۔ رہا کیے گئے فلسطینی قیدی مقبوضہ مغربی کنارے پہنچ گئے، ان کے پیاروں نے رہائی پانے والوں کا والہانہ استقبال کیا۔ فلسطینی قیدی غزہ بھی پہنچنا شروع ہوگئے، رہائی پانے والے فلسطینی قیدیوں کی اہل خانہ سے ملاقات کے موقع پر جذباتی مناظر بھی دیکھنے میں آئے، جن کی ویڈیوز بھی سامنے آنا شروع ہوگئی ہیں۔
