آئی سی سی کے ذریعہ اسرائیل کی جانچ سے بوکھلایا امریکہ، 4 ججوں پر لگائی پابندی
19
M.U.H
07/06/2025
امریکہ نے بین الاقوامی فوجداری عدالت (آئی سی سی) کے چار ججوں پر پابندی لگا دی ہے جس سے کشیدگی میں اضافہ ہو گیا ہے۔ امریکہ کا یہ قدم غزہ میں اسرائیل کی کارروائی پر آئی سی سی کی جانچ کی مخالفت میں اٹھایا گیا۔ امریکی محکمہ خارجہ نے کہا ہے کہ پابندی لگائے گئے ججوں کی امریکہ میں واقع جائیداد ضبط کی جائیں گی۔ ان میں بینن، پیرو، سلووینیا اور یوگانڈا کے جج شامل ہیں۔
امریکی وزیر خارجہ مارکو روبیو نے کہا کہ آئی سی سی سیاسی اڈہ بن گیا ہے اور اسرائیل اور امریکہ کو نشانہ بنا رہا ہے۔ انہوں نے کہا کہ امریکہ اپنی خودمختاری اور مفادات کے تحفظ کے لیے ہر ممکن قدم اٹھائے گا۔ اسرائیل نے بھی آئی سی سی کی جانچ کو نامنظور کر دیا ہے۔
مارکو روبیو نے ججوں پر الزام لگایا کہ یہ سبھی امریکہ اور اسرائیل کو نشانہ بنانے والے غیر قانونی اور بے بنیاد اقدامات میں فعال طور سے شامل رہے ہیں۔ وہ ریاستہائے متحدہ امریکہ اور ہمارے معاونین کے شہریوں کی جانچ، الزام لگانے اور ان پر مقدمہ چلانے کے لیے بے بنیاد صوابدید کا جھوٹا دعویٰ کرتے ہیں۔ یہ خطرناک دعویٰ اور اقتدار کا غلط استعمال امریکہ اور ہمارے معاونین، جس میں اسرائیل بھی شامل ہے، کی خودمختاری اور قومی سلامتی کی خلاف ورزی کرتا ہے۔
ادھر امریکہ کے ذریعہ ججوں پر پابندی لگائے جانے کی آئی سی سی نے سخت مذمت کرتے ہوئے کہا ہے کہ یہ بین الاقوامی انصاف کے ادارے کی آزادی کو کمزور کرنے کی کوشش ہے۔
