یمنی مسلح افواج کے ترجمان نے بتایا ہے کہ مقبوضہ فلسطین کے اندر دو ڈرون اور میزائل آپریشنز انجام دیئے گئے ہیں۔ یمنی مسلح افواج کے ترجمان بریگیڈیئر جنرل یحییٰ سریع نے اعلان کیا ہے کہ ملک کی مسلح افواج نے "فلسطین 2" سپرسونک بیلسٹک کلسٹر میزائل سے مقبوضہ جافہ میں حساس اہداف کو نشانہ بنایا ہے۔ یمنی مسلح افواج کے ترجمان نے مزید کہا کہ خدا کے فضل سے آپریشن کامیاب رہا اور میزائل نے براہ راست ہدف کو نشانہ بنایا، جس کی وجہ سے لاکھوں صیہونی پناہ گاہوں کی طرف بھاگنے پر مجبور ہو گئے۔ بیان میں مزید کہا گیا ہے کہ ایک اور کارروائی میں مسلح افواج نے دو ڈرونز کا استعمال کرتے ہوئے جنوبی مقبوضہ فلسطین کے علاقے بندرگاہ ایلات پر صہیونی دشمن کے دو اہم اہداف کو کامیابی سے نشانہ بنایا۔ بریگیڈیئر جنرل یحییٰ سریع نے کہا کہ صہیونی دشمن کے خلاف ہماری قوم کے سامنے واحد آپشن محاذ آرائی، استحکام اور فلسطینی عوام اور ان کی مزاحمت کی جامع حمایت ہے۔ یمنی مسلح افواج نے اس بات پر زور دیا کہ وہ غزہ کے خلاف جارحیت بند ہونے اور محاصرہ ختم ہونے تک اپنے مذہبی، اخلاقی اور انسانی فرائض کی انجام دہی جاری رکھیں گے۔
