مہاکمبھ بھگدڑ: حکومت نے مرنے والوں کی تعداد 30 بتائی
28
M.U.H
29/01/2025
پریاگ راج : پریاگ راج مہاکمبھ میلے میں مونی اماوسیہ کے موقع پر اشنان سے پہلے بڑھتی ہوئی بھیڑ کی وجہ سے بھگدڑ مچ گئی۔ مہا کمبھ میلے کے اہلکار اور کمبھ کے ڈی آئی جی ویبھو کرشنا نے بدھ (29 جنوری 2025) کو بھگدڑ کے حوالے سے ایک پریس کانفرنس کی۔
حکام نے بتایا کہ مہا کمبھ بھگدڑ کے حادثے میں 30 عقیدت مندوں کی موت ہوگئی اور 60 زخمیوں کو اسپتال لے جایا گیا۔ بھگدڑ کے دوران زخمی ہونے والے افراد کو شہر کے مختلف اسپتالوں میں داخل کرایا گیا ہے۔
کئی لوگوں کو میڈیکل کالج میں داخلہ بھی دیا گیا ہے۔ بھگدڑ میں ہلاک ہونے والوں میں سے 25 لاشوں کی شناخت کر لی گئی ہے۔ پانچ کی ابھی تک شناخت نہیں ہوسکی ہے، جن کے لیے ہیلپ لائن نمبر 1920 جاری کیا گیا ہے۔ مہاکمبھ نگر میلہ کے علاقے کی انتظامیہ نے مہاکمبھ میلے میں بھگدڑ کے بارے میں سرکاری اعداد و شمار جاری کیے ہیں۔ جس میں کہا گیا ہے کہ منگل کی رات ہونے والی بھگدڑ میں 30 افراد اپنی جان سے ہاتھ دھو بیٹھے ہیں۔
اس کے علاوہ 60 افراد زخمی ہوئے ہیں۔ مہا کمبھ میلہ کے ڈی آئی جی ویبھو کرشنا نے ایک پریس کانفرنس میں بتایا کہ بھگدڑ رکاوٹیں ٹوٹنے کی وجہ سے ہوئی۔ ڈی آئی جی نے بتایا کہ مہا کمبھ میں رات ایک سے دو بجے کے درمیان بھگدڑ مچ گئی۔ جس میں 90 افراد کو اسپتال میں داخل کرایا گیا۔ جن میں سے 30 افراد کی موت ہو گئی، ان میں سے 25 کی شناخت ہو چکی ہے۔
جس میں کرناٹک کے چار اور گجرات کے ایک عقیدت مند کی موت ہوئی ہے۔ 60 افراد زخمی ہیں۔ رکاوٹیں ٹوٹنے سے بھگدڑ مچ گئی۔ ڈی آئی جی ویبھو کرشنا نے کہا کہ بھگدڑ کے دوران بھیڑ سنگم پر لیٹنے والے لوگوں پر چڑھ گئی۔ آج 29 جنوری کو حکومت کی طرف سے سخت ہدایات تھیں کہ کوئی وی آئی پی موومنٹ نہیں ہوگی۔
