گورو گگوئی کا اعتراض، ’اقلیتوں کے تئیں ہمدردی محض دکھاوا‘
24
M.U.H
02/04/2025
لوک سبھا میں وقف ترمیمی بل پر بحث کے دوران کانگریس رہنما گورو گگوئی نے بی جے پی پر سخت تنقید کی۔ انہوں نے وقف ترمیمی بل کی مخالفت کرتے ہوئے کہا کہ بی جے پی مسلمانوں کے مفاد کی بات کر رہی ہے، لیکن چند روز قبل عید پر سڑکوں پر نماز کی اجازت نہیں دی گئی۔ انہوں نے بل کو ’گمراہ کن‘ قرار دیا۔ انہوں نے حکومت سے سوال کیا کہ لوک سبھا میں ان کے کتنے ارکان پارلیمنٹ اقلیتی طبقہ کے ہیں؟
انہوں نے الزام لگایا کہ حکومت ایک مخصوص طبقے کی زمینوں کو ہدف بنا رہی ہے اور مستقبل میں دوسرے کمیونٹیز کی زمینوں پر بھی نظر ڈالے گی۔ گگوئی نے مزید کہا کہ یہ بل قانونی مسائل میں اضافہ کرے گا اور بھائی چارے کے ماحول کو نقصان پہنچانے کی سازش ہے۔ ان کے مطابق، حکومت کا مقصد اقلیتوں کو تقسیم کرنا اور ان کے حقوق کو محدود کرنا ہے۔
