اسرائیل دنیا بھر میں منفور ہوچکا ہے، سابق صہیونی وزیر اعظم
28
M.U.H
05/08/2025
ایہود اولمرٹ نے کہا ہے کہ غزہ میں اسرائیلی مظالم ناقابل قبول ہیں؛ جرمنی اور دیگر روایتی اتحادی بھی ہم سے منہ موڑ چکے ہیں۔
سابق صہیونی وزیر اعظم ایہود اولمرٹ نے ایک بار پھر نتن یاہو حکومت کی پالیسیوں پر شدید تنقید کرتے ہوئے اعتراف کیا ہے کہ اسرائیل آج دنیا بھر میں ایک منفور ہوچکا ہے۔
انہوں نے امریکی جریدے پولیٹیکو کو دیے گئے انٹرویو میں کہا کہ جو کچھ غزہ میں ہو رہا ہے، وہ ناقابل قبول ہے۔ اسرائیل اپنے روایتی حامی ممالک حتی کہ جرمنی جیسی طاقتوں کی حمایت بھی کھوچکا ہے۔
ایہود اولمرت نے فرانسیسی صدر اور برطانوی وزیر اعظم پر یہود دشمنی یا دہشتگردی کی حمایت کے الزامات کو مضحکہ خیز قرار دیتے ہوئے کہا کہ نتن یاہو اور ان کے ساتھی ان الزامات کو ہتھیار کے طور پر استعمال کررہے ہیں۔
انہوں نے مزید کہا کہ اسرائیل کی بین الاقوامی ساکھ بری طرح متاثر ہوئی ہے اور مغربی دنیا بھی اب اس کے ساتھ کھڑے ہونے سے کترا رہی ہے۔
ایہود اولمرٹ اس سے قبل بھی نتن یاہو کابینہ پر تنقید کرتے ہوئے غزہ پر جاری جنگ کو بے نتیجہ اور نامعقول قرار دے چکے ہیں۔
