اگر امریکہ نے جارحیت دہرائی تو اسے مزید منہ توڑ جواب ملے گا، میجر جنرل پاکپور
20
M.U.H
24/06/2025
سپاہ پاسداران کے کمانڈر انچیف نے امریکی صدر کو سختی سے خبردار کرتے ہوئے کہا کہ اگر ایران پر دوبارہ حملے یا جارحیت کی کوشش کی گئی تو امریکہ کو پہلے سے کہیں زیادہ شدید اور پشیمان کن جواب دیا جائے گا۔
سپاہ پاسداران کے کمانڈر انچیف میجر جنرل پاکپور نے صیہونی حکومت کے حالیہ حملوں میں شہید کامریڈ ان آرمز کمانڈروں اور دیگر شہداء کی یاد کو خراج تحسین پیش کرتے ہوئے، میں اسلامی جمہوریہ ایران کی پرجوش اور غیرت مند قوم کی توجہ اس بات طرف دلانا چاہتا ہوں کہ امریکہ کی جرائم پیشہ حکومت نے منحوس اور سفاک اسرائیل کی کھلی حمایت کرتے ہوئے ہمارے ایٹمی تنصیبات پر جو حملہ کیا تھا۔ سپاہ پاسداران انقلاب میں موجود آپ کے بہادر جنگجوؤں نے رب ذوالجلال کی مدد سے مشرق وسطی میں امریکی کمانڈ سینٹر کے دھڑکتے دل العدید اسٹریٹجک بیس پر حملہ کیا اور اس اسٹریٹجک ہدف کو نقصان پہنچایا جس کی خصوصی اور بڑے سطح پر حفاظت کی گئی تھی۔
انہوں نے کہا کہ اس کامیابی اور فتح پر ملت ایران اور شہداء کے اہل خانہ کو مبارکباد پیش کرتے ہوئے ہم بے وقوف اور جاہل امریکی صدر کو خبردار کرتے ہیں کہ جس نے غاصب صیہونی حکومت کی بقاء کے لیے امریکی عوام کے مفادات اور سلامتی کو خطرے میں ڈالا ہے کہ اگر اس نے اسلامی جمہوریہ کے مقدس نظام اور ایران کی شہید پرور سرزمین کے خلاف اپنی جارحیت کا اعادہ کیا تو اس کا جواب منہ توڑ اور پچھتانے والا ہوگا جو انہیں عبرت کا نشان بنائے۔
