ڈونلڈ ٹرمپ کا ایران آپریشن میں 13 امریکیوں کی ہلاکتوں کا اعتراف
8
M.U.H
07/06/2026
امریکا صدر ڈونلڈ ٹرمپ نے ایران آپریشن میں 13 افراد کے مارے جانے کا اعتراف کرلیا۔ امریکی میڈیا کو دیئے گئے ایک انٹرویو میں صدر ٹرمپ نے کہا کہ ایران کا افزودہ یورینیم ضبط کرکے وہیں یا کہیں اور لے جا کر تلف کر دیں گے۔ انہوں نے کہا کہ مشرق وسطیٰ میں کام مکمل ہونے تک امریکی فوجیوں کو وہیں رہنا چاہیئے، ہوسکتا ہے کہ ہمیں امریکی فوجیوں کی دوبارہ ضرورت پڑے۔ امریکی صدر نے مزید کہا کہ مشرق وسطیٰ میں امریکی فوجیوں کو خطرہ نہیں ہے، امریکی فوجیوں کو واپس بلانا بےوقوفی ہوگی۔
اُن کا کہنا تھا کہ ایران آپریشن میں ہمارے 13 افراد مارے گئے، ایرانی سپریم لیڈر مجتبیٰ خامنہ ای شدید زخمی ہیں۔ صدر ٹرمپ نے یہ بھی کہا کہ ایران سے معاہدے کے بہت قریب ہیں، ایران کے پاس جوہری ہتھیار نہیں ہوں گے، ایران نے اس حقیقت کو تسلیم کرلیا ہے۔ ان کا یہ بھی کہنا تھا کہ ایران کی موجودہ قیادت پچھلی قیادت سے زیادہ منطقی اور ہوشیار ہے۔
