رومن کیتھولک چرچ کے 266ویں پوپ فرانسس 88 سال کی عمر میں انتقال کر گئے۔ وہ پچھلے کچھ مہینوں سے پھیپھڑوں کی بیماری اور نمونیا کے مرض میں مبتلا تھے۔
ویٹی کن کے کیمرلینگو کارڈینل کیون فیرل نے ان کے انتقال کی تصدیق کرتے ہوئے بتایا کہ مقامی وقت کے مطابق آج صبح 7 بجکر 35 منٹ پر روم کے بشپ، فرانسس، اس دنیا سے رخصت ہو گئے۔
اپنی آخری مذہبی مصروفیت میں پوپ فرانس نے اتوار کو ایسٹر کی تقریب میں شرکت کی۔ وہ خطاب تو نہ کر سکے تاہم ان کا خطاب پڑھ کر سنایا گیا اور اس میں بھی انہوں نے غزہ کے مظلوم فلسطینیوں کے لیے آواز بلند کی تھی، انہوں نے کہا کہ غزہ کی صورت حال افسوسناک ہے۔
پوپ فرانسس گزشتہ چند مہینوں سے پھیپھڑوں کی بیماری اور نمونیا میں مبتلا تھے۔ اس کے باوجود انہوں نے ایسٹر اتوار کے روز، 20 اپریل 2025 کو، سینٹ پیٹرز اسکوائر میں "اربے ایٹ اوربی" (Urbi et Orbi) دعا بھی ادا کی۔
ویٹی کن کے مطابق، پوپ فرانسس کی آخری رسومات Basilica of Santa Maria Maggiore میں ادا کی جائیں گی جس کی انھوں نے خود وصیت کی تھی۔
پوپ فرانسس، جن کا اصل نام خورخے ماریو برگولیو تھا، 17 دسمبر 1936ء کو ارجنٹینا کے شہر بیونس آئرس میں پیدا ہوئے اور مارچ 2013ء میں بینیڈکٹ کے استعفے کے بعد پوپ منتخب ہوئے تھے اور 12 سال تک پوپ کے عہدے پر فائز رہے۔
پوپ فرانسس اس سے پہلے ارجنٹینا کے دارالحکومت بیونس آئرس کے آرچ بشپ تھے۔ خورخے ماریو مارچ 2013ء میں بینیڈکٹ کے استعفے کے بعد پوپ منتخب ہوئے تھے اور 12 سال تک پوپ کے عہدے پر فائز رہے۔
یاد رہے کہ وہ پہلے پوپ ہوں گے جنہیں ویٹی کن کے باہر دفن کیا جائے گا۔
