ایران کی ایٹمی توانائی کو فوجی حملے سے ختم کرنا محض ایک خواب: وزیر خارجہ عراقچی
16
M.U.H
08/03/2025
تہران: جدہ میں اسلامی تعاون تنظیم کے اجلاس کے موقع پر وزیر خارجہ سید عباس عراقچی نے کہا کہ ایران کا ایٹمی پروگرام اور ٹیکنالوجی ہمارے ذہن و دماغ میں رچ بس گئی ہے جسے بمباری سے تباہ کرنا ناممکن ہے۔
انہوں نے فرانس کے خبررساں ادارے کو انٹرویو دیتے ہوئے کہا کہ
اسلامی جمہوریہ ایران کے جوانوں نے یہ ٹیکنالوجی مکمل طور پر حاصل کرلی ہے لہذا ایران کے ایٹمی پروگرام کو ختم کرنا ناممکن ہے۔
انہوں نے ٹرمپ کی شدید پابندیوں کی پالیسی کے بارے میں کہا کہ جب تک امریکہ کی جانب سے دباؤ کی پالیسی کا سلسلہ جاری رہے گا مذاکرات کا سوال نہیں اٹھتا۔
انہوں نے خبردار کیا کہ صیہونی حکومت کے ایران پر ممکنہ حملے کی حماقت کی صورت میں مغربی ایشیا میں جنگ کا دائرہ پھیل جائے گا۔
