یمن کے متحرپ گروہوں کے مابین سویڈن میں ہونے والی جنگ بندی کا آج آدھی رات سے آغاز ہو گیا ہے۔
یمن کے امور میں اقوام متحدہ کے سیکریٹری جنرل کے خصوصی نمائندے مارٹین گریفیتس Martin Griffiths نے آج صبح جنگ بندی پر باقاعدگی سے عمل درآمد ہونے کا اعلان کرتے ہوئے کہا کہ اس سلسلے میں کمیٹیوں نے اپنا کام شروع کیا ہے۔ جنگ بندی کا آج آدھی رات سے آغاز ایسے میں ہوا ہے کہ سعودی اتحاد کے جنگی طیاروں نے پیر کی رات 3 مرتبہ الحدیدہ کے علاقے الضحی پر حملے کئے۔
یمن کی اعلی انقلابی کونسل کے صدر محمد علی الحوثی نے الحدیدہ میں جنگ بندی کا خیر مقدم کیا ہے۔
الحدیدہ بندرگاہ سے یمن کے لئے انسانی ھمدردی کے ناطے بھیجے جانے والے سامان کی ترسیل ہوتی ہے۔
واضح رہے کہ اقوام متحدہ کی نگرانی میں سویڈن میں یمن میں متحارب گروہوں کے درمیان الحدیدہ میں جنگ بندی اور قیدیوں کے تبادلے پر اتفاق ہوا تھا۔
