حماس کے سربراہ اسماعیل ہنیہ نے کہا ہے کہ امریکہ مسئلہ فلسطین کو دفن کرنے اور علاقے کا تشخص اور ڈھانچہ تبدیل کرنے کی کوشش کر رہا ہے۔
غزہ میں حماس کے اعلی عہدیداروں اور عمائدین کے اجلاس سے خطاب کرتے ہوئے اسماعیل ہنیہ نے امریکہ کو عالم اسلام کے خلاف دشمنی اور مخاصمت کے بارے میں سخت خبردار کیا۔
انہوں نے امریکی صدر کی جانب سے بیت المقدس کو اسرائیل کا دارالحکومت تسلیم کرنے کے اعلان کو فلسطینی عوام نیز عرب اور مسلم دنیا کے خلاف ننگی جارحیت قرار دیا۔
حماس کے سربراہ نے بیت المقدس کے خلاف امریکی سازش کو مشرق وسطی کے خلاف امریکہ کے بڑے سازشی منصوبے کا حصہ قرار دیتے ہوئے کہا کہ گریٹر یروشلم کا منصوبہ یا غرب میں اردن میں نئی صیہونی بستیوں کی تعمیر کا معاملہ، قضیہ فلسطین کو دفن کرنے کی امریکی سازش کا حصہ ہیں۔
