1583 muh 29/04/2020
فلسطین کے انفارمیشن سینٹر کی رپورٹ کے مطابق تحریک حماس کے سینیئر رہنما ماہر صلاح کا کہنا ہے کہ صیہونی حکومت کے ساتھ تعلقات کو معمول پر لانے کا سلسلہ گذشتہ برسوں میں بھی جاری رہا ہے اور بعض عرب ممالک نے صیہونی حکومت کے ساتھ تعلقات قائم کرنے کے لئے ثقافت، تجارت، کھیل، حتی دین اور صحافت کے عنوان سے صیہونی حکومت سے قریب ہونے کی کوشش کی ہے۔
انہوں نے کہا کہ وہ عرب ممالک جنہوں نے صیہونی حکومت کے ساتھ پوری طرح تعلقات قائم کرلئے ہیں اور وہ عرب موقف کو بھول چکے ہیں، وہ امریکہ اور صیہونی حکومت کی سازشوں میں برابر کے شریک ہیں۔
درایں اثنا فلسطینی انتظامیہ کے وزیر ثقافت عاطف ابوسیف نے کہا ہے کہ ایسے ڈرامہ سیریل بنانا جن میں صیہونی حکومت کے ساتھ تعلقات کو معمول پر لانے کی تشہیر و ترغیب دلائی گئی ہو، غاصب صیہونی حکومت کے اہداف کے ساتھ یکجہتی ہے اور اس طرح کے ڈرامہ سیریل دشمن کی خدمت کرنے کے ساتھ ساتھ حقائق میں تحریف کر رہے ہیں۔
قابل ذکر ہے کہ سعودی عرب کا ام بی سی ٹیلی ویژن چینل اس وقت ماہ رمضان میں ام ہارون نامی ڈرامہ سیریل پیش کر رہا ہے جس میں نہایت ہوشیاری سے صیہونیوں کے ساتھ رہنے کی ترغیب دلائی گئی ہے۔
سعودی عرب میں اس وقت ام ہارون سیریل ڈرامنہ کے بعد مخرج سات نامی ڈرامہ سیریل پیش کرتا ہے جس کے بعض حصوں کے کیرکٹرس تجارتی اور اقتصادی تعلقات کی بحالی کے لئے صیہونی حکومت کے ساتھ رابطہ کی حمایت کرتے ہیں ۔