شمشیر پر خون کی فتح یقینی ہے اور مصیبتوں پر صبر کرنے والی قوم ہی کامیاب ہوگی:انصار اللہ
3161
M.U.H
21/11/2018
یمن کی اسلامی تنظیم انصار اللہ کے سربراہ نے فلسطینی مزاحمت کی حمایت کا اعلان کرتے ہوئے کہا ہے کہ یمن کی اسلامی تنظيم انصار اللہ ، عرب حکمرانوں کی طرف سے اسرائیل کے ساتھ تعلقات برقرار کرنے کے اقدام کی مذمت کرتی ہے۔
یمن کی اسلامی تنظیم انصار اللہ کے سربراہ عبدالملک بدرالدین نے عید میلاد النبی (ص) کے موقع پر فلسطینی مزاحمت کی حمایت کا اعلان کرتے ہوئے کہا ہے کہ یمن کی اسلامی تنظيم انصار اللہ ، عرب حکمرانوں کی طرف سے اسرائیل کے ساتھ تعلقات برقرار کرنے کے اقدام کی مذمت کرتی ہے۔ عبدالملک بدرالدین نے عید میلاد النبی کے موقع پر مسلمانوں کو مبارکباد پیش کرتے ہوئے کہا کہ ہم خاتم الانبیاء اور سید الانبیاء کی ولادت باسعادت کے موقع پر مسلمانوں کو مبارکباد پیش کرتے ہیں۔
عبد الملک حوثی نے یمنی عوام کے خلاف امریکی، سعودی اور اماراتی بھیانک جرائم کی طرف اشارہ کرتے ہوئے کہا کہ شمشیر پر خون کی فتح یقینی ہے اور مصیبتوں پر صبر کرنے والی قوم ہی کامیاب ہوتی ہے۔ اس نے کہا کہ سعودی عرب اور اس کے آقاؤں کو یمن جنگ میں شکست نصیب ہوگی ۔
