صنعا میں شہید صالح الصماد کے جلوس جنازہ پر سعودی جنگی طیاروں کا حملہ
968
M.U.H
04/05/2018
صنعا کے السبعین اسکوائر پر شہید الصماد کے تشییع جنازہ کی رسومات پر سعودی جنگی طیاروں نے مجرمانہ حملہ کرکے ایک شہری کو شہید کر دیا ہے۔
یمن کی اعلی سیاسی کونسل کے سربراہ شہید صالح الصماد کے جلوس جنازہ پر سعودی جنگی طیاروں نے حملہ کر کے ایک شخص کو شہید کر دیا ہے۔
عربی ذرائع کے مطابق، السبعین اسکوائر کے اطراف میں کئے گئے سعودی حملے میں ایک یمنی شہری شہید ہوا ہے۔
خیال رہے کہ آج صبح ہزاروں یمنیوں نے صنعا کے اسکوائر السبعین پر جمع ہو کر شہید صالح الصماد کے تشیع جنازہ کی رسومات میں شرکت کی۔
شہید صالح الصماد کو سعودی عرب نے ایک بزدلانہ ہوائی حملے میں چند روز قبل شہید کردیا تھا۔ شہید صالح الصماد یمنی کی اعلی سیاسی کونسل کے سربراہ تھے۔
