تہران: رہبر انقلاب اسلامی آیت اللہ العظمی سید علی خامنہ ای نے اس سال کے یوم القدس کی ریلیوں کی اہمیت کو گزشتہ برسوں سے کہیں زیادہ قرار دیا ہے۔
آپ نے یوم القدس کی مناسبت سے جاری ویڈیو پیغام میں فرمایا کہ ایران میں یوم القدس کی ریلیاں اس بات کی علامت ہیں کہ ایرانی عوام اپنے اہم سیاسی اور بنیادی اہداف پر ثابت قدم ہیں اور فلسطینی عوام کی حمایت سے ہرگز دستبردار نہیں ہوں گے۔
رہبر انقلاب اسلامی نے یوم القدس کو ایرانی عوام کے لیے افتخار کا باعث قرار دیتے ہوئے فرمایا کہ لگاتار گزشتہ 46 سال سے روزہ دار عوام نے ہر طرح کے موسم میں یوم القدس کی ریلیوں میں شرکت کی ہے جو صرف بڑے شہروں تک محدود نہیں رہیں بلکہ چھوٹے شہروں، قصبوں اور دیہی علاقوں میں بھی عوام نے بھرپور انداز میں ریلیاں نکالیں۔
