ایران کا اسلامی انقلاب گذشتہ چالیس برسوں سے اپنی کامیابی کا راستہ طے کر رہا ہے: حسن نصراللہ
2942
M.U.H
06/02/2019
حزب اللہ لبنان کے سربراہ سید حسن نصراللہ نے پیر کی رات اپنے ایک خطاب میں علاقے کے لئے ایران کے اسلامی انقلاب کے اثرات اور ثمرات کا ذکر کرتے ہوئے کہا کہ امام خمینی رح کی قیادت میں ایران کے اسلامی انقلاب کی کامیابی نے علاقے کی صورت حال کو تبدیل کر کے رکھ دیا اور علاقے میں آزادی کی تحریکوں میں بیداری آئی۔
انھوں نے کہا کہ اسلامی انقلاب کی کامیابی ہمارے لئے بہت زیادہ اہم ہے اس لئے کہ اس انقلاب سے پورے علاقے، فلسطین اور تحریک مزاحمت کی سرنوشت ایک دوسرے سے جڑ گئی اور علاقائی تنازعات اور ہماری تہذیب و تمدن میں ربط پیدا ہوا۔
سید حسن نصراللہ نے ایران کے اسلامی انقلاب کے خلاف امریکی سازشوں منجملہ ایران کے خلاف مسلط کردہ جنگ میں عراق کی صدام حکومت کے لئے اس کی بھرپور حمایت کی طرف اشارہ کرتے ہوئے کہا کہ گذشتہ چالیس برسوں کے دوران ایرانی قوم کی کامیابی کی وجہ ایران کی قیادت اور نظام اسلامی کے لئے اس کی جاری حمایت ہے۔
